الاثنين، 24 أغسطس 2015

حل مشكلة اي هيرب في التحقق من الفيزا iherb verification

يمكن بيوم من الايام لما تقرر ترجع تشتري من اي هيرب تواجهك مشكله عادية واجهتني وواجهت الكثير قبلك والكثير يتخوف منها بسبب توقيف اي هيرب لطلباتهم، بس هي لا تعتبر مشكله وانما مجرد اجراء عادي وبسيط (يحصل مرة واحدة لكل مشتري منهم) بس يحتاج منك انك تفهمه، وان شاء الله راح اشرحلكم طريقته اليوم.

قبل ما ابدأ الشرح احب انبه: دائما حط ايميلك او بريدك الالكتروني الصحيح في موقع اي هيرب لانك لو ماحطيته راح تصادفك مشكل كثير ومستحيل تشتري منهم بالمستقبل! والسبب راح اذكره الان.


اذا صادفتك مشكله بالشراء من اي هيرب تأكد من ايميلك واذا وصلتك رسالة بهذا العنوان:
ACTION REQUIRED Order 32324342-0 International Credit Card Verification


حل مشكلة اي هيرب في التحقق من الفيزا
 اذا وصلتك رسالة مشابهه لهذي فاعرف ان اي هيرب يطلبون منك بعض الطلبات قبل ماتكمل عملية الشراء معهم وقبل ما يشحنون لك الطلب.

العملية بسيطه وهي انهم يريدون التاكد انك انت صاحب الحساب اللي عندهم وانك انت المالك لبطاقة الشراء مثل بطاقة الفيزا او بطاقة الكردت كارد credit card مسبقة الدفع الخاصة بك مثلا!
والسبب حمايتك وحمايتهم من عمليات النصب وغيره.

حل مشكلة التفعيل و التحقق من ملكية صاحب الفيزا في اي هيرب

الحل بسيط جدا وهم يخيروك بأحد خيارين وانت اختار واحد منهم.
Option One: (Verification by Small Amount Charge)
الاختيار الاول: التحقق بواسطة سحب مبلغ بسيط من بطاقتك.
ما انصح فيها لانها عملية اطول خصوصا للمبتدئين، لازم تسأل البنك عن المبلغ المسحوب بالدولار وليس بالريال!

Option Two: (Verification by Authorization Code)
الاختيار الثاني: التحقق بواسطة رقم العملية.
انصحك تختار هذي العمليه لانها اسهل، فقط اذهب لحساب البنك الخاص فيك من خلال الانترنت، وادخل على كشف حساب البطاقة اللي اشتريت فيها من اي هيرب وبعد كذا ابحث عن المبلغ المسحوب من بطاقتك واللي يخص الشراء من اي هيرب، وبتلقى بتفاصيل العملية رقم العملية الخاصه فيها. هذا الرقم مهم جدا، انسخ الرقم وحطه بالمربع الثاني ولا تحط شي بالمربع الاول.

اذا مالقيت رقم العملية اتصل على الهاتف المصرفي الالي وممكن تلقاه باخر خمس عمليات ولكن الافضل تتصل على البنك وتطلبه منهم تقولهم ابي رقم عملية سحب مبلغ شراء من الانترنت من شركة اي هيرب، وهم يعطونه لك لان الموظف فاتح بياناتك وعنده كل ارقام العمليات اللي تحتاجها.

الان اذا لقيت رقم العملية اذهب للرساله الي وصلتك منهم وادخل على الرابط الموضح بالصورة التالية:

كيفية التحقق من الفيزا اي هيرب
تلقاه باخر الرسالة تحت.

بعد كذا راح تتنقل للصفحة التالية:

حل مشكلة وضع كود التحقق من الفيزا

انزل تحت لاخر الصفحة الين ماتلقى هذا الشكل:

شرح تفعيل الفيزا اي هيرب

خلاص بكذا انتهينا ووضعنا كود او رقم العملية وضغطنا على زر Verify

مشكلة فيزا اي هيرب

بعد كذا تظهر لكم هذي الصفحة تقولكم انه تم قبول الكود كما هو موضح بالصورة. وايضا لو ضغطتم على كلمة here اللي بجنب الجملة الخضرا بتروحون لطلبكم.

واذا ماضبط وقالولكم فيه مشكله تاكدوا انكم ما ادخلتم فراغات وانه تم ادخال رقم العملية صحيح.

والان راسلوهم عشان يمشون طلبكم بسرعه
ارسلوا رد لنفس الرساله اللي وصلتكم وقولولهم انكم نفذتم طلبهم وانه ياليت تمشون الطلب بسرعه.

او انسخوا هذي الرساله الي جهزتها لكم، الرساله ممكن تكون باختصار كالتالي:
 I have just verified my credit card, please ship my order as fast as possible! 
Thank you

هذا كل شي واتمنى انكم استفدتم من شرحي.