الاثنين، 24 أغسطس 2015

حل مشكلة اي هيرب في التحقق من الفيزا iherb verification

يمكن بيوم من الايام لما تقرر ترجع تشتري من اي هيرب تواجهك مشكله عادية واجهتني وواجهت الكثير قبلك والكثير يتخوف منها بسبب توقيف اي هيرب لطلباتهم، بس هي لا تعتبر مشكله وانما مجرد اجراء عادي وبسيط (يحصل مرة واحدة لكل مشتري منهم) بس يحتاج منك انك تفهمه، وان شاء الله راح اشرحلكم طريقته اليوم.

قبل ما ابدأ الشرح احب انبه: دائما حط ايميلك او بريدك الالكتروني الصحيح في موقع اي هيرب لانك لو ماحطيته راح تصادفك مشكل كثير ومستحيل تشتري منهم بالمستقبل! والسبب راح اذكره الان.


اذا صادفتك مشكله بالشراء من اي هيرب تأكد من ايميلك واذا وصلتك رسالة بهذا العنوان:
ACTION REQUIRED Order 32324342-0 International Credit Card Verification


حل مشكلة اي هيرب في التحقق من الفيزا
 اذا وصلتك رسالة مشابهه لهذي فاعرف ان اي هيرب يطلبون منك بعض الطلبات قبل ماتكمل عملية الشراء معهم وقبل ما يشحنون لك الطلب.

العملية بسيطه وهي انهم يريدون التاكد انك انت صاحب الحساب اللي عندهم وانك انت المالك لبطاقة الشراء مثل بطاقة الفيزا او بطاقة الكردت كارد credit card مسبقة الدفع الخاصة بك مثلا!
والسبب حمايتك وحمايتهم من عمليات النصب وغيره.

حل مشكلة التفعيل و التحقق من ملكية صاحب الفيزا في اي هيرب

الحل بسيط جدا وهم يخيروك بأحد خيارين وانت اختار واحد منهم.
Option One: (Verification by Small Amount Charge)
الاختيار الاول: التحقق بواسطة سحب مبلغ بسيط من بطاقتك.
ما انصح فيها لانها عملية اطول خصوصا للمبتدئين، لازم تسأل البنك عن المبلغ المسحوب بالدولار وليس بالريال!

Option Two: (Verification by Authorization Code)
الاختيار الثاني: التحقق بواسطة رقم العملية.
انصحك تختار هذي العمليه لانها اسهل، فقط اذهب لحساب البنك الخاص فيك من خلال الانترنت، وادخل على كشف حساب البطاقة اللي اشتريت فيها من اي هيرب وبعد كذا ابحث عن المبلغ المسحوب من بطاقتك واللي يخص الشراء من اي هيرب، وبتلقى بتفاصيل العملية رقم العملية الخاصه فيها. هذا الرقم مهم جدا، انسخ الرقم وحطه بالمربع الثاني ولا تحط شي بالمربع الاول.

اذا مالقيت رقم العملية اتصل على الهاتف المصرفي الالي وممكن تلقاه باخر خمس عمليات ولكن الافضل تتصل على البنك وتطلبه منهم تقولهم ابي رقم عملية سحب مبلغ شراء من الانترنت من شركة اي هيرب، وهم يعطونه لك لان الموظف فاتح بياناتك وعنده كل ارقام العمليات اللي تحتاجها.

الان اذا لقيت رقم العملية اذهب للرساله الي وصلتك منهم وادخل على الرابط الموضح بالصورة التالية:

كيفية التحقق من الفيزا اي هيرب
تلقاه باخر الرسالة تحت.

بعد كذا راح تتنقل للصفحة التالية:

حل مشكلة وضع كود التحقق من الفيزا

انزل تحت لاخر الصفحة الين ماتلقى هذا الشكل:

شرح تفعيل الفيزا اي هيرب

خلاص بكذا انتهينا ووضعنا كود او رقم العملية وضغطنا على زر Verify

مشكلة فيزا اي هيرب

بعد كذا تظهر لكم هذي الصفحة تقولكم انه تم قبول الكود كما هو موضح بالصورة. وايضا لو ضغطتم على كلمة here اللي بجنب الجملة الخضرا بتروحون لطلبكم.

واذا ماضبط وقالولكم فيه مشكله تاكدوا انكم ما ادخلتم فراغات وانه تم ادخال رقم العملية صحيح.

والان راسلوهم عشان يمشون طلبكم بسرعه
ارسلوا رد لنفس الرساله اللي وصلتكم وقولولهم انكم نفذتم طلبهم وانه ياليت تمشون الطلب بسرعه.

او انسخوا هذي الرساله الي جهزتها لكم، الرساله ممكن تكون باختصار كالتالي:
 I have just verified my credit card, please ship my order as fast as possible! 
Thank you

هذا كل شي واتمنى انكم استفدتم من شرحي.

27 comments

اختي عملت لي قلتي عليه بس مايرسلون طلب ولا يكتبون ان كان خطا كود او صح ارسلت لهم بس مافيه فايده طيب هذا ثاني طلب بلغوه عشان الجراء والحل

ارسلتي لهم ايميل؟ غالبا يردون بسرعه واذا ردوا راسليني عبر نموذج الرساله بردهم لك.
واذا تبين حل اسرع كلميهم في الشات.

مرحبا ...ارسلت لهم كل شي حتي كود مبلغ بسيط مخصوم رد قابو سوف ننظر بمشكله خلال24ساعه عاد انتظر ردهم هذا ثاني طلبيه سوف تلغي بسبب جراء بايخ طيب كود موجود عندي بس مايقول تم قبوله لا مافيه رد ......اختي طلبيه الاولي الغوه فيني استرجاع فلوس او راحت على فلوس😁

طيب عندك اميل نقدر نتوصل عشان افهم للمواقع توهقت فيه

اعطني ربط حق شات حقهم لو سمحتي بعرف راح تعبك معي

لا تخافي راح يرجعولك فلوسك وهذا رابط الشات
اضغطي هنا

واذا ما فتح معك ادخلي هنا
اضغطي هنا

وبعدين اضغطي على رابط الشات بهذا القسم:
Chat with us
Click here to chat now

وتقدرين تراسليني على الايميل من خلال رابط (اتصل بنا) تلقينه باخر الصفحة بالخط الصغير

Logan B. (iHerb.com Customer Service)
Aug 25, 10:00

Hello منييرة الشمري ,

Thank you for contacting iHerb. My name is Logan and it will be a pleasure to help you.

I received your request for help. I pulled up the order and see that the Authorization Code was accepted and the verification process has been completed successfully. The order is now being processed for shipment. Just as the order ships from the warehouse you will be sent an email Order Confirmation with shipping details and other related information.

Thanks for your time and have a healthy day.


iHerb Verification Team,
Logan B.

اوكي الحمدلله :) معناه انهم قبلوا الكود وخلاص راح يشحنوها لك.

شنو معنى حاله طلب .غير قابله لتسليم عنوان عدد😢 مو ارسالو رساله انهم موفقين يشحنو راحت على حسابي بهيرب لقيت كاتبين حاله طلب

طيب حبيبتي منيرة ممكن ترسلين لي اي شي من خلال هالنموذج اضغطي هنا
عشان ماقدر اعطيك ايميلي هنا...باقولك كلام مهم :)

تاكدي هل عنوانك كتبتيه صحيح؟
وراسليهم بسرعه على هالايميل verify@iherb.com قولي:
I am getting an error in my address status but im sure my address is correct, would you please get my order shipped today.

اوك اي كتبته صح متاكده منه

السلام عليكم
لو يمحتي اختي نفس المشكلة صارت لي وادخلت الكود بس مايجيني خطا او صح ابدااا
وارسلت لهم ايميل بنفس اللي قلتي قبل شوي وضمنت الكود بعد
وانتظر ردهم
بس عندي سؤال
لو ألغي الطلب بأكلمه اقدر استرجع المبلغ في خلال كم؟؟

وعليكم السلام
ان شاء الله خير!
يرجعولك المبلغ خلال 24 ساعه اعتقد حسب البنك.

سلام عليكم ورحمة الله وبركاته . انا طلبت قبل اسبوع ووصلت بنجاح حاليا بطلب وتجيني رفض مشكله بالبطاقه مدري شنو رغم بيناتاتي صحيحه والبنك يقول المشكله من الموقع مايرسلنا بيناتك بشكل صحيح فافيدوني جزاكم الله خير

وعليكم السلام تاكدي من ادخال بيانات البطاقة مرة ثانية بشكل صحيح.
رسالة الرفض الي تظهر لك هي اللي تخليك تعرفي وين المشكلة.
لو تعطيني رسالة الخطا او الرفض عند شرائك من اي هيرب راح اعرف المشكلة باذن الله!

The Small Charge has been tried more than 3 times unsuccessfully, please email the Small Charge Amount to verify@iherb.com and include your order number.
الخيار الاول مراضي يجي من انقفلت الصفحة ورجعتها
وهذا الخيار الثاني وبيقولولي اراسلهم ع االايميل
طيب مني فاهمة ع ايت اساس

السبب انك حاولتي وضع الكود اكثر من 3 مرات..الحل الوحيد انك تراسليهم على ايميلهم verify@iherb.com وتعطيهم المبلغ اللي انخصم من حسابك او تعطيهم رقم العمليه الاخيرة للمبلغ اللي انسحب من حسابك من ايهيرب عشان يتاكدوا ولاتنسي تعطيهم رقم الطلب اللي هوا order number واللي تلقيه مكتوب في ال order history داخل حسابك في اي هيرب.

السلام عليكم .. الله يعافيك أنا بس طلعتي العملية الأولى الثانية دورت ولا حصلت ومكتوب خصم ومدري أيش

شكرا حبيبتي وصلت لطلبية لكن دوبي اركز ع المبلغ اللي انخصم عاديلو راسلتهم دحين يرجعوه ؟؟

سؤال تاني
وصلت الطلبية الحمدلله واخدتها اليوم
وياريتني ما اخدتها مبهدلة الاغراض وحالتها حالة
علبتين قزاز جوز الهند انكسرت واتكب الزيت كلو في الكرتون
وعلبة زيت النيم برضو اتكسرت
وفي كرطب طلبت منو اربعة جا 3 ونفس الشي زيت الجريب فروت ناقص واحد

ليش كل دا ؟؟ كيف اقولهم مشكلتي وهل يعوضوني عنها او لا ؟؟
صراحة شي مرا يززعل "(

اهلين عزيزتي يعوضوكي بس اهم شي تاخذي صورة للي صار...صوري كل المنتجات المتضررة و ارسلي الصورة لهم وقوليلهم انك تبغي تعويض باسترجاع الفلوس لك...غالبا مايصير هذا الشي واحتمال انه من الجمارك لما يفتشوها او من شركة الشحن الغير مبالية.

وعليكم السلام اختي سارة اذا ثاني مرة تشتري من اي هيرب مايعطونك خصم لان الخصم لاول مشتري بس

اهلين .. للاسف بس يطلع لي حق العملة .. ف تواصلت مع البنك يقولون المبلغ معلق فماتقدر تطلع العملة بالدولار... فرسلت لايهيرب رقم العملية وان شاء الله يقبلونها لاني طالبه طلبيتين مجموعهم 800 ريال ..

ان شاء الله يقبلوا واذا ماقبلوا قوليلهم ممكن تعطوني طريقة التحقق عن طريق Authorization code?